- ११ कार्तिक २०८३, बुधबार / Oct 28, 2026
काठमाडौं । प्रधानमन्त्री शेरबहादुर देउवाको आह्वानमा आज सर्वदलीय बैठक बस्दैछ । संसदमा जारी अवरोधलगायत समसामयिक राजनीतिक विषयमा छलफल गर्न बैठक आह्वान गरिएको देउवाको सचिवालयले जनाएको छ ।
बैठक आज अपराह्न ४ बजे बस्ने सचिवालयले जनाएको छ । संसदमा सहभागी सबै दलका शीर्ष नेताहरूलाई बैठकमा बोलाइएको छ । माओवादी केन्द्रका अध्यक्ष प्रचण्डले संसदको अवरोध, एमसीसीलगायतका विषयमा सत्तागठबन्धनको बैठक बोलाउन आग्रह गरेलगत्तै देउवाले बैठक डाकेका हुन ।
सत्ता गठबन्धनका सहयात्री नेकपा माओवादी र एकीकृत समाजवादी पार्टी एमसीसी जस्ताको तस्तै पारित गर्न नहुने अडानमा देखिएका छन् । तर सरकारमाथि भने एमसीसी टेबल गर्न दबाव परेको छ ।
आफू सरकारमा हुँदा संसदबाट पारित गर्न खोज्ने विपक्षी नेकपा एमाले अहिले पर्ख र हेरको नीतिमा अडिक छ । प्रधानमन्त्रीले बोलाएको सर्वदलीय बैठकमा नेकपा एमाले भने अनुपस्थित हुने जनाएको छ ।
एमसीसी पारितका विषयमा छलफल गर्न बैठक बोलाएको भन्ने जानकारी पाएपछि एमाले उक्त बैठकमा सहभागी नहुने विशाल भट्टराईले जानकारी दिए ।
