- १५ भाद्र २०८३, सोमबार / Aug 31, 2026
काठमाडौं । प्रमुख प्रतिपक्षी दल नेकपा एमालेको अवरोधका बीच प्रतिनिधिसभाबाट सन्देशसहित प्राप्त विनियोजन विधेयक २०७९ राष्ट्रिय सभामा पेश गरिएको छ ।
नेकपा एमालेका सांसदहरुको विरोधका बीच दोस्रो पटक बसेको बैठकमा अर्थमन्त्री जर्नादन शर्माले उक्त विधेयक पेश गरेका हुन् । नैतिकताको आधारमा अर्थमन्त्री शर्माले राजीनामा दिनुपर्ने सांसदहरुको माग रहेका बेला उक्त विधेयक राष्ट्रिय सभामा पेश भएको हो ।
शुक्रबार संसदमा पेश भएको उक्त विधेयकका विभिन्न शीर्षकमाथिको छलफल क्रमश असार ६, ७ र ८ गते हुने र उक्त विषयहरुमा असार ९ र १० गते मन्त्रीहरुले जवाफ दिने घोषणा अध्यक्ष तिमिल्सिनाले गरेका थिए । राष्ट्रियसभाको अर्को बैठक यही असार ५ गते आइतबार दिउँसो १ बजेका लागि बोलाइएको छ ।
