- ८ भाद्र २०८३, सोमबार / Aug 24, 2026
काठमाडाैं । दैलेखको आठबीस नगरपालिकाको मेयरका उम्मेदवार तर्कबहादुर बडुवालले प्रयोग गरिरहेको बा १९ च ५५७९ नम्बरको स्कार्पियो गाडीमा अज्ञात समूहले आगजनी गरेको छ ।
चालक गाडीभित्रै सुतिरहेको अवस्थामा गाडीमा आगजनी गरेको प्रहरीको भनाइ छ ।
आठबीस नगरपालिका– ४ राकम कर्णालीस्थित खोलीबजारको श्रिष्टी होटलको अगाडि पार्क गरी राखिएको स्कार्पियोमा राति अपराधिक समूहले आगजनी गरेको बताइएको छ ।
टायरमा आगो लागेको थाहा पाएपछि तत्कालै गाडी चालकले नजिकै रहेको खोलाको नहरमा पु¥याएर आगो निभाएको बताए ।
जस कारण गाडीमा धेरै क्षति हुन पाएन । घटनाबारे थप अनुसन्धान गरिरहेको इलाका प्रहरी कार्यालय राकम कर्णालीले जानकारी दिएको छ ।
