एलिजा ‘घुइँचो’ मा अनुबन्धित भएपछि एउटै प्रश्न, गर्लिन् त न्याय ?

काठमाडौं । नायिका एलिजा गौतम पुनः नयाँ चलचित्रमा अनुबन्धित भएकी छन् । निर्माता रामजी दैलेखीको चलचित्र ‘घुइँचो’ मा उनी अनुबन्धित भएकी हुन् ।
क्यानडाबाट फर्किए लगत्तै एलिजाले घुइँचोमा साइन गरेकी छन् ।

यस अघि उनी चलचित्र ‘घिन्ताङ’ मा अनुबन्धित थिइन् । कारणबस छायांकन सुरु हुन लाग्दै गर्दा चलचित्र छोडेर क्यानडा पुगेकी थिइन् । पहिलो चलचित्र ‘अनुराग’ सफल हुन नसके पनि म्युजिक भिडिओमा भने दर्शकको मन जित्न सफल भएकी थिइन् ।

म्यूजिक भिडियोमा व्यस्त देखिएपछि अहिले उनको हातमा नयाँ चलचित्र हात परेको छ । चलचित्रको कथा आफुलाई खुब मन परेको एलिजाले बताएकी छन् । उनलाई चलचित्रको कथा मन परेपनि कथाको चरित्रलाई उनले न्याय गर्न सक्लिन् या के गर्छिन यो भने हेर्न बाँकी छ ।