- १० कार्तिक २०८३, मंगलवार / Oct 27, 2026
काठमाडौं । नेकपा एमालेका अध्यक्ष केपी शर्मा ओली नेकपा माओवादी केन्द्रको आठौँ महाधिवेशन उद्घाटन सत्रमा सहभागी नहुने बताएका छन् ।
‘माओवादीको महाधिवेशनमा म किन जाने ? अध्यक्ष ओलीले भने । यसैबीच ओली पार्टी कामकै शीलशीलामा शनिबार गृहजिल्ला झापा पुगेका छन् । अखिलको सचिवालय बैठकदेखि स्वास्थ्य शिविरसम्म ओली सहभागी हुने भएपछि ओली शनिबार झापा पुगेका हुन ।
चीतवनमा भएको नेकपा एमालेको महाधिवेशनमा माओवादी केन्द्रका अध्यक्ष पुष्पकमल दाहाल प्रचण्ड पनि सहभागी भएका थिएनन् । सायद त्यसैको बदला लिन ओली नआउने एक नजेताले बताए ।
प्रथम राष्ट्रिय सम्मेलनलाई माओवादीले महाधिवेशनमा रुपान्तरण गरेपछि विभिन्न राजनीतिक दलका शीर्षनेताहरूलाई शुभकामना दिन आमन्त्रण गरिएको छ ।
