कमलपोखरीमा डुबेर एक जनाको मृत्यु

१३ साउन २०७७ भक्तपुर । भक्तपुर नगरपालिका वडा नं १० कमलबिनायक स्थित कमलपोखरीमा डुबेर एकजनाको मृत्यु भएको छ । चाँगुनारायण नगरपालिका वडा नं. ९ सौडौल बस्ने बर्ष ५१ का राजेश खड्काको मृत्यु भएको हो ।

आफुले लगाएको लुगा खोलेर पोखरी छेउमा राखेर र पौडी खेल्दै दुई पटक निस्किदै गरेपनि तेस्रो चोटी पस्दा पोखरीमा डुबी बेपत्ता भएको प्रहरीले बताएको छ । बेपत्ता भएको भन्ने सुचना पाउनासाथ घटनास्थल पुगेको प्रहरी टोलीले साथै पानीबाट उद्दार गरी अस्पताल लगेको प्र.नि. सुवास बुढाथोकीले बताए ।

मृतक राजेश खड्का टुरिष्‍ट गाईडको काम गर्ने ब्यक्ति भएको खुलेको र यसबारे थप अनुसन्धान भईरहेको महानगरीय प्रहरी परिसर भक्तपुरका सूचना अधिकारी प्रहरी नायव उपरिक्षक दिपक गिरी कैलाश खबरलाई बताए ।