कांग्रेसको टोली भारतलाई रिजाउन दिल्ली जाँदै

काठमाडौं । सत्तारुढ दल नेपाली काँग्रेसको प्रतिनिधिमण्डल आज भारत भ्रमणमा जाने भएको छ । सत्तारुढ भारतीय जनता पार्टी र सरकारसँगको सम्बन्ध सुधारका लागि काँग्रेसका सहमहामन्त्री एवं पूर्व परराष्ट्रमन्त्री डा। प्रकाशशरण महत नेतृत्वको ३ सदस्यीय प्रतिनिधिमण्डल नयाँ दिल्ली जान लागेको हो ।

भारतीय जनता पार्टीका वैदेशिक मामिला विभाग प्रमुख विजय चौंथाइवालेको निमन्त्रणामा भारत जान लागेको प्रतिनिधिमण्डलमा नेताहरु उदयशमशेर जबरा र अजय चौरसिया समेत रहेका छन् ।