कांग्रेस पदाधिकारी बैठक बस्दै

भक्तपुर । नेपाली कांग्रेसको पदाधिकारी बैठक आज दिउँसो १ बजे बस्ने भएको छ । भ्रातृ संस्थाको विधानलाई अन्तिम रुप दिन आजको बैठक बस्न लागेको बताइएको हो ।

नेपाली कांग्रेसले एनपी साउदको नेतृत्व पार्टीका भ्रातृ तथा शुभेच्छुक संस्थाहरुको विधान प्रतिवेदन तयार पार्न समिति बनाएको थियो । सो समितिले बुझाएको विधानलाई अन्तिम रुप दिने विषयमा उपसभापति पूर्णबहादुर खड्का नेतृत्वको पदाधिकारी बैठकमा छलफल हुँदै आएको छ ।

नेपाली कांग्रेसको केन्द्रीय समिति बैठकले गत फागुन ३ गते १० वटा भातृ संस्था भंग गर्दै नेविसंघ, तरुण दल, किसान संघ र आदिवासी जनजाति संघको अध्यक्ष पार्टी सभापति देउवाले मनोनित गरेका थिए । काँग्रेसले दलित संघ भंग गरेको छैन भने अधिवेशन गर्न सकेको छैन ।

पार्टीले नेविसंघ र दलित संघको विधान टुंगो लगाइसकेको छ भने अन्य भातृसंघको विद्यान टुुङ्गो लगाउँन बाँकी छ । बैठक पार्टी उपसभापति खड्का नेतृत्वको बैठकको निरन्तरता रहेको पार्टी केन्द्रीय कार्यालयले जनाएको छ । यो बैठकमा पार्टी सभापति शेरबहादुर देउवा सहभागी नहुने बताइएको छ ।