- १८ श्रावण २०८३, सोमबार / Aug 3, 2026
बैतडी । बैतडीको डिलासैनी गाउँपालिकाको अध्यक्षका उम्मेदवार लोकेन्द्र रानालाई पुर्चौडी बहुमुखी क्याम्पसका प्राध्यापक रामदत्त जोशीमाथि कुटपिट गरेको आरोपमा प्रहरीले नियन्त्रणमा लिएको छ । प्रहरीले क्याम्पस प्रमुख जोशीले स्थानीय तह निर्वाचनमा स्वतन्त्र उम्मेदवारहरुको चुनाव प्रचार गरेको भन्दै कुटपिट गरेको पीडित पक्षको भनाईका आधारमा अध्यक्षका उम्मेदवार रानालाई घटनाबारे जानकारी लिन नियन्त्रणमा लिएको हो ।
स्वतन्त्र उम्मेदवारहरुको प्रचार गरेको आरोपमा वडाध्यक्षका उम्मेदवार राना र उनका समर्थकहरुले प्राधापकमाथि कुटपिट गरेको पीडित पक्षले आरोप लगाएका छन् ।
जिल्ला प्रहरी कार्यालय बैतडीका प्रवक्ता लोकेन्द्र जोशीले अध्यक्षका उम्मेदवार राना र घाइते भएका प्राध्यापक जोशी पक्षबीच गोकुलेश्वर प्रहरी चौकीमा छलफल भइरहेको र डिलासैनी गाउँपालिका–५ बिनाबस्तीका वासिन्दा जोशीको दुबै खुट्टामा गम्भीर चोट लागेको जानकारी दिए ।
