गुजरात सम्मेलनमा प्रधानमन्त्री देउवा सहभागि नहुने

काठमाडौं । कोरोना भाइरस संक्रमितको सङ्ख्या भारतमा ह्वात्तै बढेपछि प्रधानमन्त्री शेरबहादुर देउवाको भारत भ्रमण स्थगित भएको छ ।

गुजरातमा जनवरी १० देखि हुने भनिएको भाइब्रेन्ट गुजरात सम्मेलन स्थगित भएपछि प्रधानमन्त्री देउवाको भारत भ्रमण पनि स्थगित गरिएको प्रधानमन्त्रीको सचिवालयले जनाएको छ ।

भाइब्रेन्ट सम्मेलनमा सहभागी हुन प्रधानमन्त्री देउवालाई भारतबाट निमन्त्रणा आएको थियो । उक्त सम्मेलनमा सहभागी हुन भारतीय प्रधानमन्त्री नरेन्द्र मोदीले निमन्त्रणा दिएका थिए ।

देउवा जनवरी ९ मा गुजरात जाने कार्यक्रम तय भएको थियो । सम्मेलनका क्रममा देउवाले भारतीय प्रधानमन्त्री नरेन्द्र मोदीसंग भेटवार्ताको कार्यक्रम पनि तय भएको थियो ।