चार पटक प्रधानमन्त्री बनेका इटलीका पूर्वप्रधानमन्त्री बर्लुस्कोनीको निधन

एजेन्सी । ८६ वर्षको उमेरमा इटालीका पूर्वप्रधानमन्त्री सिल्भिओ बर्लुस्कोनीको निधन भएको छ । बर्लुस्कोनीको फोक्सोमा भएको संक्रमणका कारण सान राफेल अस्पतालमा उपचारका क्रममा निधन भएको हो । उनको निधनमा इटलीमा बुधबार राष्ट्रिय शोकको घोषणा गरिएको छ । बुधबार नै मिलान क्याथेड्रलमा अन्त्यष्टि गरिने भएको छ । अन्त्येष्टिमा हजारौं सहभागी हुने अनुमान गरिएको छ ।

बर्लुस्कोनीको निधनमा इटालियन र युरोपेली झण्डाहरु राष्ट्रब्यापी रुपमा झुकाएका छन् । रुसका राष्ट्रपति भ्लादिमिर पुटिनले आफुले एक सच्चा मित्र गुमाएको प्रतिक्रिया दिएका छन्, भने फ्रान्सका राष्ट्रपति इमानुएल म्याक्रोंले परिवारप्रति समवेदना प्रकट गरेका छन् । मिडिया टाइकुन समेत रहेका उनी पदमा रहँदा यौन प्रकरण र भ्रष्टाचार मुद्दाको सामना गर्नु परेको थियो । बर्लुस्कोनी चार पटक प्रधानमन्त्री समेत बनेका थिए ।