चिनियाँ राष्ट्रपति सीको कडा निर्देशनपछि ९ जना पक्राउ

काठमाडौं । चीनमा ठूलो व्यावसायीक भवन भत्केको घटनासँगबारे छानविन गर्न  चिनियाँ राष्ट्रपति सी जिनफिङले कडा निर्देशन दिएका छन् । व्यवसायीक भवन निर्माण कसरी भएको हो भन्ने बारे छानविन गर्न राष्ट्रपति सीले निर्देशन दिएका हुन । गत शनिबार देशको हुनान प्रान्तमा पर्ने चाङशा सहरमा रहेको भवन भत्किए लगत्तै कम्तीमा २३ जनाको जिवितै उद्धार गरिएको थियो भने दुर्घटना भए लगत्तै चीनका राष्ट्रपति सी जिनफिङले घटनाका विषयमा अनुसन्धान गर्न निर्देशन दिएका थिए ।

आठ तले भवनमा होटल, अपार्टमेन्ट, सिनेमा हललगायतका संरचना रहेका थिए । भवन भत्केको घटनासँग सम्बन्धित ९ जनालाई पक्राउ गरी अनुसन्धान प्रक्रिया अघि बढाइएको छ। पक्राउ पर्नेमा भवन मालिकदेखि भवन निर्माणमा संलग्न मजदुरहरू रहेका छन ।