- २ भाद्र २०८३, मंगलवार / Aug 18, 2026
जापान । जापानको एक कम्पनीले उड्ने बाइक बनाएको छ । फुटबल खेलाडी केउसुके होन्डाले सुरू गरेको स्टार्टअप कम्पनीले बनाएको उक्त बाइक मंगलबारदेखि बिक्रीमा राखेको छ।
उक्त बाइकको मूल्य ६ लाख ८० हजार अमेरिकी डलर अर्थात ८ करोड १७ लाख रुपैयाँ राखिएको छ। टोकियोको ड्रोन स्टार्टअप एएलआई टेक्नोलोजीले बाइकमा परम्परागत इन्जिन राखेको छ । यसमा ब्याट्रीबाट चल्ने चार वटा मोटर जडान गरिएको छ ।
एक पटकमा ४० मिनेट उड्न सक्ने यो बाइकको गति प्रतिघन्टा सय किलोमिटर रहेको कम्पनीले जनाएको छ। व्यस्त सडकहरूमा उड्ने अनुमति जापान सरकारले नदिएको सञ्चारमाध्यमले जनाएका छन् । अहिले उक्त बाइकको प्रयोग उद्धार कार्य र दुर्गम ठाउँमा मात्र गर्ने बताइएको छ ।
