जसरीपनि मङ्सिरमै महाधिवेशन सम्पन्न गर्न देउवाको निर्देशन

काठमाडौं । नेपाली काँग्रेसको चौधौं महाधिवेशन पूर्वनिर्धारित कार्यतालिका अनुसार मङ्सिरमा नै सम्पन्न गर्नुपर्ने प्रधानमन्त्री तथा नेपाली काँग्रेसका सभापति शेरबहादुर देउवाले निर्देशन दिएका छन् ।

काँग्रेस संसदीय दलको कार्यालयमा पार्टीको पदाधिकारी र केन्द्रीय निर्वाचन समितिको बैठकमा सभापति देउवाले मंसिरमै महाधिवेशन सम्पन्न गर्नेगरी कार्यक्रमहरु अगाडि बढाउन निर्देशन दिएका हुन ।

मंसिर ९ देखि १३ गतेसम्म पार्टीको महाधिवेशन सम्पन्न गरिसक्नुपर्नेमा सभापतिले जोड दिएको काँग्रेस केन्द्रीय कार्यालय सचिव कृष्णप्रसाद पौडेलले बताए । महाधिवेशन लगायत विविध विषयमा आज दिउँसो पनि छलफल हुने पौडेलले बताए ।