- ४ कार्तिक २०८३, बुधबार / Oct 21, 2026
काठमाडौं । प्रधानमन्त्री पुष्पकमल दाहाल प्रचण्ड भारत भ्रमणमा जाने भएका छन् । जेठ १७ गते भारत भ्रमणमा जाने तय भएको छ ।
भ्रमण जेठ १७ देखि २० गतेसम्म हुने स्रोतले बताएको छ । कुनै भवितव्य नपरे जेठ १७ गते नै भारत भ्रमणमा जाने परराष्ट्र मन्त्रालयका अधिकारी बताउँछन् ।
प्रधानमन्त्री प्रचण्डले जेठ १८ गते समकक्षी नरेन्द्र मोदीसँग नयाँदिल्लीमा भेटवार्ता गर्ने र १९ गते मुम्बई जाने छन् ।
२० गते स्वदेश फर्किने गरी भ्रमणको तालिकालाई अन्तिम रुप दिने तयारी भइरहेको परराष्ट्र मन्त्रालयले जनाएको छ ।
गत वैशाखमै भ्रमणको तयारी गरेका तर नक्कली भुटानी शरणार्थी प्रकरण र नयाँ बजेटको तयारी लगायतका कारण भ्रमणको मिति पछि सारिएको थियो ।
जेठ १५ गते बजेट सार्वजनिक भएलगतै १७ गते उनी भारत जाने तय भएको स्रोतले बतायो ।
