- १६ असार २०८३, मंगलवार / Jun 30, 2026
ताप्लेजुङ । आगलागीमा परि पाँच घर जलेर नष्ट भएका छन् । मंगलबार दिउँसो ४ बजेतिर आगलागी भएको प्रहरीले बताएको छ ।
सिरिजंघा १ सिनाम डाँडा गाउँका दीपेन्द्र गिरी, टेकनाथ गिरी, शान्तिराम गिरी र दीपक गिरीको घर जलेर नष्ट भएको हो । प्रहरी, सशस्त्र प्रहरी र स्थानीयबासीको सक्रियतामा दुई घण्टापछि आगो नियन्त्रणमा लिइएको थियो ।
बच्चाले भान्सामा आगो फुक्ने क्रममा आगो सल्किएको र आगलागीबाट मानवीय क्षति नभएको प्रहरीले बताएको छ । आगलागीबाट ५६ लाख ७८ हजार रुपैयाँ बराबरको क्षति भएको प्रारम्भिक अनुमान छ ।
