- १७ असार २०८३, बुधबार / Jul 1, 2026
बुटवल । नेकपा एमालेको माधव नेपाल पक्षले देशैभर समानान्तर कमिटि बनाउने जनाएको छ । यसैबीच अर्घाखाँचीमा समानान्तर जिल्ला कमिटी गठन गरेको छ ।
तत्कालीन जिल्ला सचिव रामबहादुर चौहानको अध्यक्षतामा ७० सदस्यीय समानान्तर जिल्ला कमिटी गठन गरेको हो । शनिबार बसेको माधव समूहको बैठकले यही चैत मसान्तभित्र पालिका, वार्ड र टोल तहका कमिटीहरु पुनर्गठन गर्ने, जनसंगठनका जिल्ला, पालिका, वार्ड र टोल तहका कमिटीहरु पुनर्गठन गर्ने निर्णयसमेत गगेको छ ।
बैठकमा एमाले प्रदेश कमिटी सदस्य एवं पूर्व जिल्ला विकास समिति सभापति पिताम्बर भुसाल, संविधान सभा सदस्य डा.दुमन थापा, प्रदेश कमिटी सदस्य यमुना भुसाल, जिल्ला सचिवालय सदस्य सरोज भुसाललगायतले एमालेलाई विधि, प्रकृया र जनचाहाना अनुरुप अघि बढाउन समानान्तर कमिटी गठन गर्नुपरेको बताए । यता ओली पक्षका चेतनारायण आचार्य अर्घाखाँचीमा जिल्ला अध्यक्ष छन् ।
