- २६ श्रावण २०८३, मंगलवार / Aug 11, 2026
काठमाडौं । नेपाल कम्युनिस्ट पार्टी (नेकपा)को स्थायी कमिटी बैठकले पुष्पकमल दाहाल प्रचण्डलाई कार्यकारी अधिकारसहित पार्टी सञ्चालनको प्रस्ताव पास गरेको छ । शुक्रबार प्रधानमन्त्री निवास बालुवाटारमा बसेको बैठकमा अध्यक्षद्धयको प्रस्ताव पेश भएको थियो ।
प्रस्तावमा प्रधानमन्त्री केपी शर्मा ओलीलाई सरकार संचालनमा केन्द्रित रहने उल्यख छ । वरिष्ठ नेता झलनाथ खनाल र माधवकुमार नेपालसहित १३ नेताले आ आफ्नो मत राखेका थिए । नेताहरुले लिखित रुपमा नै बैठकमा आएको सुझावलाई समेटेर प्रस्ताव पारित गरेको थियो ।
अब पार्टी विधि र पद्धतीमा अगाडि बढाउने छ भने सरकार पार्टीको मागर्दशनमा चल्ने नेता नारायणकाजी श्रेष्ठले बताए ।सरकारको दैनिक कार्यमा पार्टीले हस्तक्षेप नगर्ने तर आधारभूत विषयमा पार्टीमा परामर्श गरेर मात्र निर्णय लिइने उनको भनाई छ । बैठकले महाधिवेशनको तय समेत गरेको छ । आगामी चैत २५ देखि ३० गतेसम्म महाधिवेशन गर्ने र त्यसको तयारीका लागि कात्तिकमा केन्द्रीय कमिटी बैठक बोलाउने निर्णय गरेको छ ।
