नेकपा संकट, ४ प्रदेश सरकार ढल्ने अवस्थामा

काठमाडौँ । समानान्तर गतिविधि अघि बढिरहेको नेकपामा भित्र आफू निकटका नेतासँगको भेटघाट तीब्र पारिएको छ । अहिले छ । दुबै अध्यक्षले केन्द्रीय समिति बैठक बोलाएर भकाभक निर्णय पनि थालेका छन् ।

आफु निकटकालाई केन्द्रीय सदस्य थप गर्दै पार्टी बैधानीक्ता खोजिरहेका छन् । ओली समूहले पार्टीको प्रवक्ता परिवर्तन गरेको छ भने प्रचण्ड समूहले अध्यक्ष नै परिवर्तन गरेको छ । सचिवालय सदस्य नारायणकाजी श्रेष्ठलाई पार्टी प्रवक्ताबाट हटाएर परराष्ट्रमन्त्रीसमेत रहेका प्रदीप ज्ञवालीलाई प्रवक्ता ओली समूहले तोकेको छ भने प्रचण्ड समूहले केपी शर्मा ओलीलाई कारबाही गरेर पार्टी अध्यक्षमा माधवकुमार नेपाललाई चैन गरेको छ ।

नेकपा भित्रको आन्तरिक विवाद प्रदेश सरकार विभाजनसम्मको अवस्थामा पुगेको छ । प्रतिनिधिसभा विघटन भएको छ भने नेकपा नेतृत्वका प्रदेश सरकार संकटमा पर्न थालेका छन् ।नेकपाले नेतृत्व गरेका ६ प्रदेश सरकारमध्ये ४ सरकार अल्पमतमा पर्ने अवस्था बढेको छ । प्रदेश १, बागमती प्रदेश, लुम्बिनी प्रदेश र गण्डकी प्रदेश सरकार अल्पमतमा पर्ने देखिएको निश्चित जस्तै भएको छ ।

कर्णाली प्रदेशमा बहुमत छ भने प्रदेशसभाका ४० मध्ये नेकपाका ३३ सांसद छन् । तीमध्ये प्रचण्ड–नेपाल पक्षका २१ र ओली पक्षका १२ सांसद छन् । ओली पक्षले उनीविरुद्ध अविश्वासको प्रस्तावसमेत दर्ता गरेको थियो ।