- २९ जेष्ठ २०८३, शुक्रबार / Jun 12, 2026
काठमाडौं । श्रीलंका भ्रमणमा रहेका नेकपा एकीकृत समाजवादीका अध्यक्ष माधवकुमार नेपाल राजनीतिक भेटघाटमा व्यस्त छन् । कोलम्बोमा भारत र बंगलादेशका कम्युनिष्ट नेताहरुसँग भेटवार्तामा व्यस्त छन् ।
भारतीय कम्युनिष्ट पार्टी र बंगलादेशी कम्युनिष्ट पार्टीका नेताहरुसँग झण्डै डेढ घण्टा आपसी हित र द्विपक्षीय सम्बन्धका बारेमा छलफल भएको नेता नेपालले जानकारी दिए । त्यसैगरी श्रीलंकन कम्युनिष्ट पार्टीका नेताहरुसँग पनि उनले छुट्टाछुट्टै र सामूहिक भेट गरेका छन् ।
यसक्रममा त्यहाँका पार्टी अध्यक्ष, उपाध्यक्ष, महासचिवलगायतसँग कुराकानी भएको छ । अध्यक्ष नेपाल श्रीलंकन कम्युनिष्ट पार्टीको ८० औं स्थापना दिवस तथा दक्षिण एसियाली कम्युनिष्ट पार्टीका नेताहरुको बैठकमा भाग लिन सोमबार दिउँसो काठमाडौंबाट कोलम्बो प्रस्थान गरेका थिए । सोही सन्दर्भमा हिजै त्यहाँका रास्ट्रपति र प्रधानमन्त्रीसङ्ग उनको शिष्टाचार भेट भएको छ ।
