- १८ असार २०८३, बिहीबार / Jul 2, 2026
सल्यान । सल्यानका बस दुर्घटनामा घाइते हुनेको संख्या २५ पुगेको छ । नेपालगञ्जबाट रुकुम चौरजहारी जाँदै गरेको ना ४ ख ६७१५ नम्बरको यात्रुवाहक बस कुमाख गाउँपालिका १ खारखोलामा बुधबार दुर्घटना हुदा २५ जना घायते भएका हुन । दुर्घटनामा घाइते भएका १५ जनाको उपचारका लागि नेपालगञ्ज पठाइएको सल्यान प्रहरीले जनाएको छ ।
१० जनाको रुकुम चौरजहारीमा उपचार भइरहेको र घाइतेमध्ये ३ जनाको अवस्था गम्भीर रहेको प्रहरीले जनाएको छ। घाइते हुनेमा बाँके कोहलपुर नगरपालिका–१२ का ३७ वर्षीया प्रेरणा कुमाई, रुकुम चौरजहारी नगरपालिका–८ का १८ वर्षीया सुनिता बुढाथोकी, सोही ठाउँकी ३२ वर्षीया पुनम विष्ट, ७२ वर्षीय नरक बुढा ६५ वर्षीया दुर्गा बुढा, कुमाख गाउँपालिका(१ का ३५ मान बहादुर बुढाथोकी र वडा नम्बर ४ की २८ वर्षीया कौशिला बस्नेत रहेका छन्।
यस्तै कुमाख गाउँपालिका ४ की ४० वर्षीया देवी बुढाथोकी, ७० वर्षीया डम्मरकुमारी बुढाथोकी, ५० वर्षीया छायाँ शाही, १३ वर्षका उत्तम विसी, वडा नम्बर ५ की ४५ वर्षीया लालमती कुमाई, रुकुम चौरजहारी नगरपालिका १ की ३८ वर्षीया साहुनी गोसाई, ४० वर्षका खड्कबहादुर गोसाई, ३६ वर्षीया गौशिला गोसाई र ६७ वर्षीया धनकला गोसाई, कुमाख गाउँपालिका १ का १५ वर्षीय नीमबहादुर बुढाथोकी, १२ वर्षकी गीता विक, सल्यान बागचौर नगरपालिका ५ का ५३ वर्षीय प्रेम बहादुर पुन,
५० वर्षीया विर्मी पुन, कुमाख गाउँपालिका ४ का ११ वर्षीय सन्तोष बस्नेत, वडा न ५ की ६० वर्षीया तुल्सा शाही, ४४ वर्षका तेजबहादुर राना र ५८ वर्षीया टीकाकुमारी चन्द घाइते भएको जिल्ला प्रहरी कार्यालय सल्यानले जनाएको टछ । घटनाबारे अनुसन्धान भइरहेको र फरार रहेको गाडी चालक र सहचालकको खोजीकार्य भइरहेको प्रहरीले जनाएको छ।
