पत्रकार महिलाका लागि कानूनी सचेतना तालीम

लुम्बिनी । पत्रकार महिलाका लागि कानूनी सचेतना तालीम आजदेखि बुटवलमा शुरु भएको छ । बुटवल उपमहानगरपालिकाको आयोजना र सञ्चारिका समूह जिल्ला शाखाको समन्वयमा भएको तालीमको आज उद्घाटन कार्यक्रममा उपप्रमुख गुमादेवी आचार्यले कानुको अनविज्ञता क्षम्य नहुने भएकाले सबैलाई सचेत बनाउन आवश्यक रहेको बताउनुभयो । उहाँले उपमहानगरलाई समृद्ध बनाउन पूर्वाधार निर्माणसँगै भौतिक विकास आवश्यक हुने भएकाले पत्रकारलाई सचेत बनाउँदा समाजमा सही सूचना जाने उल्लेख गर्नुभयो । स्थानीय सरकार र नागरिकबीच पुलको काम गर्ने भएकाले पत्रकार धेरै विषयमा जानकार हुनुपर्ने उहाँको भनाइ छ ।

सामाजिक महाशाखा प्रमुख तुल्सा अर्यालले कुनै पनि विषय कानूनभन्दा बहिर नहुने भएकाले यो विषयमा सचेतना आवश्यक रहेको बताउनुभयो । तालीममा जिल्लाभरका ३७ पत्रकार महिलाको सहभागिता रहेको सञ्चारिका समूहका अध्यक्ष निरु गौतमले जानकारी दिनुभयो । दुई दिनसम्म चल्ने तालीममा उच्च सरकारी वकिल कार्यालय बुटवलका सहन्यायाधिवक्ता मोहन सागर बस्याल, कानून सचीव राजेन्द्र थापा र कानून मस्यौदा तथा सुझाव कार्यदलका सदस्य खुमकान्त पौडेलले नेपालका ऐन कानूनमा भएका व्यवस्था, स्थानीय सरकारका काम कर्तव्य अधिकार, मुलुकी देवानी संहितालगायतका विषयमा प्रशिक्षण दिनु हुनेछ । रासस