- १८ श्रावण २०८३, सोमबार / Aug 3, 2026
काठमाडौँ । नेपाली कांग्रेसको केन्द्रीय समिति बैठक बस्दैछ। प्रतिनिधिसभा विघटनपछि सडक संघर्ष कि चुनाव भन्नेमा विभाजित देखिएको कांग्रेसमा रामचन्द्र पौडेल पक्षधरले सडक संघर्ष गर्ने दबाब पनि दिएको छ ।
तर, सभापति शेरवहादुर देउवा पक्ष भने सर्वोच्च अदालतमा विचाराधिक उक्त मुद्दाको छिनोफानो भएपछि मात्रै नयाँ रणनीति बनाउन पर्ख र हेरको अवस्थामा रहेको तयारीमा छ । प्रतिनिधिसभा विघटन गरेपछि पुस १० मा स्थगित गरिएको बैठक आज फेरि बस्न लागेको काँग्रेसले जनाएको छ ।
दिउँसो १ बजे पार्टी कार्यालय सानेपामा बैठक बस्दैछ । संसद व्यूतिए सरकारमा जाने विघटन भए गठबन्धन चुनावमा जाने विषयमा देउवा र ओलीबीच समझदारी भएको छ । ओलीप्रति नरम बनेको देउवा पक्ष औपचारिकताका लागि मात्र पुस १३ मा विरोध प्रदर्शन गरेको बताइएको छ । यता प्रचण्ड – नेपाल समूहले एक महिनाको एकल आन्दोलन घोषणा गरिसकेको छ ।
