- २६ भाद्र २०८३, शुक्रबार / Sep 11, 2026
काठमाडौं । सरकारले पेट्रोलियम पदार्थको मूल्य वृद्धि गरेपछि नेत्रविक्रम चन्द नेतृत्वको नेपाल कम्युनिस्ट पार्टीले देशव्यापी आन्दोलनको घोषणा गरेको छ ।
मूल्यवृद्धिविरुद्ध विप्लव नेकपाले देशैभर ६ दिने विरोध कार्यक्रम घोषणा गरेको हो । विरोध देखि मसाल जुलुश सम्मका कार्यक्रम घोषणा गर्दै पार्टी महासचिव विप्लवले एक वक्तव्य समेत जारी गरेका छन् ।
देश व्यापी घोषित कार्यक्रम अनुसार आज विरोध पर्दशन गर्ने, २६ गते मशाल जुलुस निकाल्ने, २७ गते दिउँसो १ देखि २ बजेसम्म देशव्यापी प्रदर्शन गर्ने, २८ गते बिहान १० देखि ११ बजेसमम चक्काजाम गर्ने, २९ गतेदिउँसो सिट्ठी जुलुस र साँझ मसाल जुलुस निकाल्ने सो पार्टीले जनाइएको छ । मूल्यवृद्धि फिर्ता नलिए ३० गते नेपाल बन्द गर्ने विप्लव नेतृत्वको नेकपाले जनाएको छ ।
