प्रतिदिन १० हजारको पिसिआर जाँच हुन्छः स्वास्थ्यमन्त्री ढकाल

२०७७ जेठ २६ सोमबार, काठमाडौं । स्वास्थ्य तथा जनसंख्यामन्त्री भानुभक्त ढकालले प्रत्येक दिन १० हजारको संख्यामा पिअिसार परीक्षण रिर्पोट दिने बताएका छन् ।

सोमबार प्रतिनिधिसभामा सांसदहरुले उठाएका प्रश्नको जवाफ दिँदै स्वास्थ्य मन्त्री ढकालले असार १५ बाट पिसिआरको परीक्षण दायरा बढाएर प्रतिदिन १० हजार जाँच हुने बताए । उनले भने,‘ दिनदिनै सिमा कटेर आउने संख्या धेरै छ ।

हामीले असार १५ सम्म सातै प्रदेशमा ठूलामेसिन जडान गरी प्रत्येक दिन १० हजारको रिर्पोट दिने गरी तयारीमा लागेका छौँ ।’ उनले परीक्षणको सवालमा नेपाल एसियामा राम्रो स्थानमा रहेको दाबि गरे।भिडियो…

https://www.facebook.com/Kailashkhabarnews/videos/254567805989837/

सांसदहरुले कोरोना परीक्षण कम भएको, आरडिटीको गुणरीयतालगायतबारे प्रश्न उठाएका थिए । उनले आरडिटी परिक्षणलाई संक्रमण पत्ता लगाउन नभई स्क्रिनिङको लागि मात्र प्रयोग गरेको बताए ।