- २ भाद्र २०८३, मंगलवार / Aug 18, 2026
२६ जेठ २०७७, सल्यान । कुमाख गाउँपालिका अध्यक्ष दिलमाया बुढाले सरकारलाई चुनौती दिएकी छन् । परिक्षण गरेको १० दिन पुग्दा पनि कोरोनाको रिपोर्ट नआउनु लज्जास्पद भएको भन्दै सरकार प्रति आक्रोष व्यक्त गरेकी छन ।
भारतबाट आएका नागरिकहरुको स्वाव संकलगन गरी कोरोना परिक्षणका लागि सुर्खेत पठाएको रिपोर्ट समयमा नआएको उनको भनाई छ । सामाजिक संजालमा दुःख व्यक्त गरेकी गाउँपालिका अध्यक्ष बुढाले सल्यानबाट संघ तथा प्रदेश सरकारमा प्रतिनिधित्व गर्ने मन्त्री तथा सांसद्हरू टेक बहादुर बस्नेत, प्रकाश ज्वाला र गुलावजंग शाहलाइ ट्याग गर्दै कुमाख गाउँपालिकाको वास्तविक्ता पोष्ट गरेकी हुन् ।
भारतका विभिन्न ठाउँबाट चैत्र ८ गते देखि हाल सम्म आएका पाँच सय अठतिस जना गाउँपालिकाले तयार पारेको क्वारेन्टिनमा वसिरहेको जनाएकी छन् । संघ र प्रदेश सरकारप्रति लक्षित गरेर लेखेकी छन्, बालबालिकालाई जस्तै ललिपप देखाएर जनतालाई संधै गुम्राहमा राख्ने धृष्टता नगर । जनताको धैर्यताको बाँध टुट्ने बाताबरण नबनाउन अनुरोध गर्दै अध्यक्ष बुढाले क्वारेन्टिमा वसेका नागरिकहरुलाई धन्यवाद दिएकी छन् ।
