- १८ असार २०८३, बिहीबार / Jul 2, 2026
भोजपुर । भेजपुरको टेम्केमैयुङ गाउँपालिकाले फुसको छानोमुक्त बनाउने अभियान थालेको छ । टेम्केमैयुङ गाउँपालिका वडा नं ३ अन्नपूर्ण वडाले फुसको छानोमुक्त बनाउने अभियान थालेको हो ।
कमजोर आर्थिक अवस्था भएका वडाका नागरिकहरुलाई लक्षित गरि जस्तापाता वितरण अभियानको थालनी भएको ३ वडाले जनाएको छ । हालको गाउँपालिका केन्द्र समेत रहेको यो ठाउँलाई नमुनासँगै व्यवस्थित बनाउन योजनावद्ध रुपमा अभियान सञ्चालन भइरहेको वडा कार्यालयले जनाएको छ ।
वडाले थोरै बजेटमा भए पनि स्थानीयको औचित्य र आवश्यकताको आधारमा योजना तथा कार्यक्रम सञ्चालन गरेको स्थानीयको भनाई रहेको छ । गत वर्ष १३ विपन्न घर परिवारको खरको छानो हटाउनका लागि जस्तापाता वितरण गरिएको थियो भने यस वर्ष १५ परिवारलाई वितरण गर्ने लक्ष्य रहेको कार्यालयले जनाएको छ ।
