बतासको बचाउमा कमल थापा

काठमाडौं । बतास ग्रुपका मालिक आनन्दराज बतासको पक्षमा राष्ट्रिय प्रजातन्त्र पार्टीका पूर्वअध्यक्ष कमल थापा उत्रिएका छन् ।

सत्ता र राजनीतिक संरक्षणको आडमा नारायणहिटी दरबार संग्रहालयमा कफीसप खोल्नेदेखि थुप्रै विवादास्पद ठेक्का हात पारेका बतासबारे समाचार प्रकाशित भइरहेका बेला थापाले बतासविरुद्ध अहिले चौतर्फी हमला भइरहेको बताए ।

बतासबाट कानुन उल्लंघन भएको भए कारबाही गरिनुपर्ने तर चरित्रहत्या गरिनु ठिक नभएको थापाको भनाइ छ ।