बाग्मती प्रदेशसभाको हिउँदे अधिवेशनमा साँसदले भने, ‘देशकै बेइज्जत भयो’ (भिडियाेसहित)

हेटौंडा । बुधबारबाट सुरू भएको बाग्मती प्रदेशसभाको हिउँदे अधिवेशनमा सासदहरूले कडा जवाफ दिएका छन् । अधिवेशनमा बोल्दै नेपाल मजदुर किसान पार्टीका केन्द्रीय सदस्य तथा बाग्मती प्रदेशसभा सदस्य सुरेन्द्रराज गोसाईले दुईतिहाइको सरकार हाँकिरहेको नेकपाको झगडाले नेपालीलाइ हसाइ रहेको र अन्तर्राष्ट्रिय जगतमा बेइज्जत भइरहेको बताएका छन् ।

नेकपाको बेइज्जत त भयो भयो शत्रु हँसाउने सम्मको खेलमा नेकपा लाग्नु दुखद भएको बताए । सैद्धान्तिक झगडा नभइ कुर्सी झगडा गरेकाले प्रजातान्त्रिक आन्दोलनलाई समेत यिनीहरूले घात गरेको धारणा राखे । कोमिड–१९ को खोप वितरण छिटोभन्दा छिटो गरी जनतालाई सुरक्षित बनाउनेबारे गम्भिर छलफल हिउँदे अधिवेशनको प्रमुख विषयवस्तु बनाउनु पर्ने तर्क गर्दै सुखी नेपालीको नारा दिँएको सरकारले गलत साबित गरिदेला भन्ने चिन्तामा जनता रहेको जिकिर गरे ।

हेर्नुहाेस् भिडियाे…

सरकारले गरेका प्रतिबद्धता पुरा गर्न नसकेकोमा व्यङ्ग्य प्रहार गरे । सरकारराष्ट्रघातीसँग घाँटी जोड्दै हिडेको जनताले देखिरहेको बताए । जबसम्म शासनमा जाने पार्टीहरू आफ्नै बलबुत्ता, विवेक र जनताको तागतमा विश्वास गर्दैनन् तबसम्म नेपाली जनताले यस्तो दुर्भाग्य भोगिरहे दावी उनको छ ।