- ८ आश्विन २०८३, बिहीबार / Sep 24, 2026
धादिङ । बोक्सी आरोपमा कुटपिट गरी तातो पन्यु डामेर घाइते भएकी ४९ वर्षीया एक महिलालाई जिल्ला अदालत धादिङले न्याय दिएको छ ।
लमजुङको राइनास नगरपालिका–३ का ४२ वर्षीय विष्णु भन्ने विमल परियार र धादिङको धुनीबेसी नगरपालिका–५ कि ३८ वर्षीया मुना परियारलाई जिल्ला अदालतको असार ११ गतेको इजलासले दुई–दुई वर्ष कैद गर्न, जनही २२, २२ हजार जरिवाना गर्न गर्न आदेश गर्दै पीडितलाई १ लाख रुपियाँ क्षतिपूर्ति दिन
फैसला गरेको जिल्ला अदालत धादिङका श्रेस्तेदार खुम भण्डारीले बताए । (कसुर र सजाय) ऐन २०७२ अनुसार बोक्सीको आरोप र ज्यानमार्ने उद्योगमा उनिहरूविरूद्ध जिल्ला अदालतमा विचाराधिन मुद्दा जिल्ला न्यायाधीश स्वीकृति पराजुलीको इजलासले १६ पेसीपछि मुद्दा फैसला गरेको हो ।
२०७८ पुस १ गते धुनीबेसी नगरपालिका–५ मा पीडितलाई पन्यूले डामेर र कुटपिट गरेर घाइते पारिएपछि स्थानीयबासीले उद्धारगरी सुस्मा कोइराला मेमोरियल अस्पताल काठमाडौमा उपचार भएको थियो ।
पीडितकोउजुरीकोआधारमा सोही दिन गिरफ्तार गरी जिल्ला अदालतको आदेशले हिरासतमा राखेर अनुसन्धान भएको थियो ।अदालतको आदेशपछि पुनरावेदन अदालतले मुनालाई १ लाख धरौटी राख्न र विमललाई थुनामा राख्नु भन्ने आदेश दिएको थियो । मुनाले धरौटी रकम नराखेपछि दुवै कसुरदार कारागारमा थिए ।
