- ३१ आश्विन २०८३, शनिबार / Oct 17, 2026
काठमाडौं । त्रिभुवन विमानस्थल, सिनामंगल भन्सार कार्यालयमा कार्यरत कर्मचारीहरू आन्दोलित भएका छन् । सामूहिक सरुवा माग गर्दै आजबाट भन्सार ठप्प पार्न लागेको उनीहरुले बताएका छन् ।
पाँच बुँदे माग राखेर आन्दोलनमा उत्रेका कर्मचारीले आजबाट त्रिभुवन विमानस्थल भन्सार कार्यालयको कार्गो जाँचपास शाखामार्फत हुने निकासी, पैठारी सबन्धी सम्पूर्ण कार्य बन्द गर्ने जनाएका छन् ।
माग सम्बोधन नभए भोलि पनि कार्गो शाखाका सबै काम बन्द गर्ने उनीहरूको घोषणा छ । हिजो तीन घन्टा ‘पेन डाउन’ गरेर सांकेतिक विरोध सुरु गरेका कर्मचारीले भदौ २७ गतेसम्म माग सम्बोधन नभए फरक किसिमको आन्दोलनका कार्यक्रम घोषणा गर्ने जानकारी दिएका छन् ।
६१ केजी सुन तस्करी प्रकरणमा कर्मचारीहरूलाई धमाधम पक्राउ गरेर आतङ्कित बनाएको आरोप उनीहरुको छ । यही भदौ १२ गते कर्मचारीले सामूहिक सरुवा माग गरेका थिए ।
