भारतीय नम्बरको बस धादिङमा दुर्घटना

काठमाडौं । भारतीय नम्बर प्लेटको बस घादिङमा दुर्घटना भएको छ। भारतीय नम्बर प्लेटको बस धादिङको गल्छीमा दुर्घटना भएको हो । काठमाडौंबाट मुग्लिनतर्फ जाँदै गरेको एआर ०७ इ ७०३१ नम्बरको दुर्घटनमा परेको जिल्ला प्रहरी कार्यालय धादिङले जनाएको छ ।

घटनास्थलमा प्रहरी पुगिसकेको र बसलाई क्रेनको सहायताबाट हटाएर राजमार्ग खुलाउनने काम भइरहेको छ। बस मोडमा भित्तामा पल्टिएको र घाइतेलाई स्थानीय अस्पताल पठाइएको जिल्ला प्रहरी कार्यालय धादिङले जनाएको छ ।

बसमा ३० जना यात्रुहरु थिए । तीमध्ये केही घाइते भएका र उनीहरुलाई अस्पताल पठाइएको  र घाइतेहरुमध्ये १०–१२ वर्षको एकजना बच्चाको अवस्था गम्भीर रहेको जिल्ला प्रहरी कार्यालय धादिङले जनाएको छ । बस दुर्घटना हुँदा सडक अवरुद्ध भएको थियो भने बसलाई उठाइसकेकाले बाटो खुलिसकेको छ । बस चालकलाई प्रहरीले नियन्त्रणमा लिएको छ ।