- ७ आश्विन २०८३, बुधबार / Sep 23, 2026
इलाम । आगलागीमा परेर इलाममा सात घर नष्ट भएका छन् ।माङ्सेबुङ गाउँपालिका– ५ को लारुम्बामा गएराति भएको आगलागीमा परी सात घर नष्ट भएका हुन् ।
आगलागीमा परी स्थानीय अनु चेम्जोङ, नरहाङ लावती, हर्कबहादुर चेम्जोङ, पदम इवा, लोकहाङ लावती, माङ्गेना साम्बाहाम्फे र चन्द्र राईका घर पूर्ण रूपमा नष्ट भएको जिल्ला प्रहरी कार्यालयले जनाएको छ ।
प्रहरीका अनुसार काठ र टिनबाट निर्मित घरहरू एकै ठाउँ गुजुम्ब रहेकाका कारण सात घर जल्न पुगेका हुन ।
विद्युत् सर्ट भई आगलागी भएको र आगलागीमा करिब ६० लाख बराबरको क्षेती भएको प्रहरीको प्रारम्भिक निष्कर्ष रहेको छ ।
