भेरोसेल खोपको अभाव, जिम्मेवार को ?

काठमाडौं । सरकारले चिनियाँ भेरोसेल खोप अभाव रहेको स्वीकार गरेको छ । भेरोसेल खोपको मौज्दाज निकै कम रहेको भन्दै पहिलो र बुस्टर डोज खोप नलगाउन स्वास्थ्य सेवा विभागले आग्रह गरेको छ । बुधबार पनि उपत्यकाका अधिकांश खोप केन्द्रहरुमा एक घण्टाभित्रै भेरोसेल खोप सकिएको थियो जसका कारण लाइनमा बसेका सेवाग्राहीहरु आक्रोशित हुँदै फर्किएका थिए ।

सरकारले माघ २ गतेदेखि फ्रन्टलाइनरमा काम गर्नेलाई बुस्टर खोप लगाउने निर्णय गरे पनि खोप अभावक कारण भेरोसेल खोप लगाएका अधिकांश फ्रन्टलाइनरहरु पनि बुस्टर डोजबाट बञ्चित भएका छन् ।