मन्त्रिपरिषद् बैठकद्वारा भूउपयोग नियमावली पास घरजग्गा कारोबार बढ्ने

काठमाडौं । मन्त्रिपरिषद्को बैठकले भूउपयोग नियमावली पास गरेको छ । मन्त्रिपरिषद्ले भूउपयोग नियमावली पास गरे संगै अब घरजग्गा कारोबार बढ्ने देखिएको छ । जग्गा कित्ताकाटबारे जनताले भोग्नुपरेको झमेला अबका दिनदेखि समाधान हुने गरी कित्ताकाट खुलाइएको जनाएको छ ।

भौतिक पूर्वाधार तथा यातायातमन्त्री प्रकाश ज्वालाले ‘जग्गाको कित्ताकाटसम्बन्धी अहिलेसम्म रोकिएको अवस्था थियो, कित्ताकाट नामसारीलगायतका जग्गासम्बन्धी हालसम्म रोकिएका सबै कामलाई फुकाउने गरी भूउपयोग नियमावली क्याबिनेटले पास गरेको जानकारी दिए । मन्त्रिपरिषद्ले गोरखामा रहेको बहुमूल्य ‘स्टोन’ (क्रिष्टल क्वार्ज) गोरखा दरबारमै राख्ने निर्णय गरेको छ ।