- २७ असार २०८३, शनिबार / Jul 11, 2026
२२ जेठ २०७७ बिहीबार । प्रदेश २ को प्रदेश सभाका पाँचजना मर्यादापालकमा कोरोना भाइरस पोजेटिभ देखिएको छ । कोरोना भाइरस पोजेटिभ देखिएपछि बिहीबारको बैठक स्थगित गरिएको हो ।
बुधबार चौथो अधिवेशनको पहिलो बैठक बसेको प्रदेश दुइको बैठक बस्नुभन्दा केही दिनअघि प्रदेश सभा सचिवालयले सांसद र सचिवालयमा काम गर्ने कर्मचारीको कोरोनाको परीक्षण गरेको थियो ।
तर, उनीहरूको रिपोर्ट बिहीबार मात्रै आएपछि आजको बैठक स्थगित गरिएको प्रदेश सभा सचिवालयले जनाएको छ ।
प्रदेश सभा सचिवालयका निमित्त सचिव रञ्जित यादवले अब प्रदेश सभा भवनलाई स्यानिटाइज गरेर शुक्रबार दिउँसो १ बजे मात्रै बैठक बस्ने जानकारी दिए ।
