महिला प्रहरीमाथि यौन दुर्व्यवहारको आरोपमा एसएसपी निलम्बित

काठमाडौं। महिला प्रहरीमाथि यौन दुर्व्यवहार गरेको आरोपमा प्रहरी वरिष्ठ उपरीक्षक (एसएसपी) योगबहादुर पाल निलम्बनमा परेका छन् । गृह मन्त्रालयले पाललाई निलम्बन गरेको हो ।

एसएसपी पाललाई ६ महिना निलम्बन गरिएको गृहको पत्र प्रहरी प्रधान कार्यालय आइपुगेको प्रहरी प्रधान कार्यालयका केन्द्रीय प्रवक्ता प्रहरी नायब महानिरीक्षक (डिआइजी) कुबेर कडायतले बताए ।

एसएसपी पाल सुदूरपश्चिम प्रदेश प्रहरी कार्यालयमा कार्यरत छन् । पालले जेठ १९ गते शुक्रबार आफूलाई दुर्व्यवहार गरेको भन्दै महिला सहायक हवलदारले उजुरी दिएकी थिइन् ।