- १८ असार २०८३, बिहीबार / Jul 2, 2026
१४ साउन २०७७ । इलामको माइजोगमाई गाउँपालिकाका २५ जनाको स्वाब संकलन गरिएको छ । सशस्त्र प्रहरी बल नेपाल गण हेडक्वार्टर नम्बर १ इलाममा कार्यरत ३५ वर्षीय शसस्त्र प्रहरी जवानलाई कोरोना देखिएपछि परिवारसहित २५ जनाको स्वाब संकलन गरिएको हो ।
सशस्त्रका जवान गत असार २७ गते बिदामा घर आएको जनाइएको छ । २९ गते कार्यस्थल फर्केपछि साउन ८ गते पीसीआर टेस्ट गरिएको थियो। साउन ११ गते आइतबार उनीसहित ५ जनामा कोरोना संक्रमण पुष्टि भएको थियो ।
इलामको माईजोगमाई–४ का स्थायी बासिन्दा जवानमा कोरोनाको लक्षणपछि ६ जना परिवारसहित ’कन्ट्याक्ट ट्रेसिङ’ देखिएका २५ जनाको स्वाब संकलन गरिएको जनाइएको छ । परीक्षणका लागि थप स्वाब संकलन गरिएकाहरुको रिपोर्ट पनि पोजेटिभ आए गाउँ नै सिल गर्न सकिने गाउँपालिकाले जनाएको छ ।
