- १९ श्रावण २०८३, मंगलवार / Aug 4, 2026
सुर्खेत । कर्णाली प्रदेशका चार चेलीले मेयरमा उम्मेदवारी दिएका छन् । १० जिल्लाका ७९ पालिकामध्ये चार नगरपालिकाको मेयरमा महिला उम्मेदवारी परेको हो ।
वीरेन्द्रनगर नगरपालिका, दैलेखको नारायण नगरपालिका तथा कालीकोटको रास्कोट र खाडाँचक्र नगरपालिका मेयरमा उम्मेदवारी दिएका हुन् ।
वीरेन्द्रनगरमा एमालेबाट मोहनमाया ढकाल, नारायण नगरपालिकामा कांग्रेसबाट निर्मला खड्का र खाँडाचक्रमा कांग्रेसकी तारा शाहीले उम्मेदवारी दिएकी हुन् ।
रास्कोटमा नेत्रविक्रम चन्द ‘विप्लव’ नेतृत्वको नेकपा नेतृ धिरिन्द्रा उपाध्याय ‘भृकुटी’ ले स्वतन्त्रबाट उम्मेदवारी दिएकी छन् । ढकाल यसअघि वीरेन्द्रनगरकी उपमेयर थिइन् भने खड्का यसअघि वडा सदस्य थिइन् ।
