- ५ कार्तिक २०८३, बिहीबार / Oct 22, 2026
काठमाडौँ । राष्ट्रपति विद्यादेवी भण्डारी, उपराष्ट्रपति नन्दबहादुर पुन र प्रधानमन्त्री शेरबहादुर देउवाले तामाङ समुदायको पर्व सोनाम ल्होसारको अवसरमा शुभकामना व्यक्त गरेका छन् । बहुजातीय, बहुभाषिक, बहुसांस्कृतिक विविधतायुक्त नेपाली समाजमा सोनाम ल्होसारजस्ता पर्वबाट सबै नेपालीबीच आपसी सद्भाव, सहिष्णुता र बन्धुत्वको भावना अभिवृद्धि हुने राष्ट्रपतिको सन्देशमा उल्लेख छ ।
तामाङ सेलो गीत, टुङ्ना र डम्फुको सङ्गीतले नेपालका सम्पूर्ण जातजातिको लोकभाकाको अभिन्न अङ्ग बनेको उल्लेख गर्दै भाषा, संस्कार र संस्कृतिमा तामाङ समुदाय समृद्ध रहेको उपराष्ट्रपति पुन ःको सन्देशमा उल्लेख छ । सम्पूर्ण तामाङ समुदायमा सुख, शान्ति, सुस्वास्थ्य र दीर्घायुको कामना प्रधानमन्त्री देउवाले गरेका छन् ।
सामाजिक, सांस्कृतिक, जातीय र धार्मिक विविधताले सम्पन्न मुलुक नेपालका विभिन्न भाषा, धर्म, वर्ण, सम्प्रदाय, जातजातिका आ–आफ्ना विशिष्ट संस्कृति र परम्परा रहेको प्रधानमन्त्री देउवाले उल्लेख गरेहका छन् ।
