लद्दाखमा सैनिकहरु चढेको गाडी खोंचमा खस्दा ९ जनाको मृत्यु

एजेन्सी । भारतमा ९ जना सैनिकको ज्यान गएको छ । घटनामा १ जना सैनिक घाइते भएका छन् । भारतको लद्दाखमा सैनिकहरु चढेको गाडी खोंचमा खस्दा ९ जनाको ज्यान गएको हो ।

१० जना सवार गाडीमा रहेका ९ जनाको मृत्यु भएको हो । भारतीय रक्षामन्त्री राजनाथ सिंह र गृहमन्त्री अमीत शाहले घटना विशुद्ध सडक दुर्घटना भएको बताएका छन् ।

लेहबाट सैनिकहरुलाई न्योमातर्फ लिएर गएको गाडी क्यारी शहरबाट सात किलोमिटर पर खोंचमा खसेर दुर्घटना भएको भारतीय सञ्चार माध्यमले जनाएका छन् ।