विश्वका ४३ देशका एक अर्ब मानिस हैजाको जोखिम : संयुक्त राष्ट्रसंघ

एजेन्सी । विश्वका ४३ देशका एक अर्ब मानिस हैजाको जोखिममा रहेको संयुक्त राष्ट्रसंघले जनाएको छ । गत वर्षको मे महिनामा १५ देशमा हैजाको प्रकोप देखिएको र यस वर्ष अहिलेसम्म २४ देशमा हैजाको प्रकोप देखिएको राष्ट्र संघले जनाएको छ ।

संयुक्त राष्ट्र संघीय स्वास्थ्य एजेन्सीले सङ्क्रामक रोगसँग जुध्नका लागि ६४ करोड अमेरिकी डलर माग गरेको तर, युद्धलाई तीव्रता दिन जति लामो समय लाग्छ, स्थिति त्यति नै खराब हुँदै जाने जनाएको छ ।

विश्व स्वास्थ्य सङ्गठनले खोप अभियान नराम्ररी प्रभावित भएको जनाएको छ । यस वर्ष १ करोड ८० लाखभन्दा बढी ओरल हैजाको भ्याक्सिन डोज माग गरिएको छ तर, ८० लाख मात्र उपलब्ध भएको विश्व स्थास्थ्य संगठनले जनाएको छ ।

पछिल्लो समय हैजाबाट सामान्यतया प्रभावित नभएका देशहरू प्रभावित भइरहेको र मृत्युदर १ सय भन्दा धेरै भएको बताइएको छ । गरिबी,द्वन्द्व,जलवायु परिवर्तन र त्यसले निम्त्याएको जनसंख्या विस्थापनका कारण सङ्क्रमण बढेको विश्व स्वास्थ्य संगठनले उल्लेख गरेको छ ।