- ११ कार्तिक २०८३, बुधबार / Oct 28, 2026
एजेन्सी । श्रीलङ्का आर्थिक संकट थप जटिल बन्दै गएसंगै अब एक दिनका लागि मात्र इन्धन सञ्चय रहेको श्रीलङ्काका ऊर्जा मन्त्री कञ्चना विजेसेकेराले बताएका छन् ।
उर्जामन्त्री आर्थिक विजेसेकेराले देशमा पेट्रोल भण्डार झन्डै चार हजार टन रहेको बताए । लगभग चार हजार टन भण्डारले एक दिनको माग धान्न पनि मुस्किल रहेको अन्तर्राष्ट्रिय सञ्चार माध्यमले जनाएका छन् ।
श्रीलंकाका धेरैजसो पेट्रोल पम्पमा तेल छैन भने सार्वजनिक यातायात इन्धन अभावका कारण ठप्पको अवस्थामा छ । मानिसहरु राजधानीका धेरै ठाउँहरुमा तेलको लानमा बस्ने गरेका छन् । इन्धनका लागि विदेशसंग कुरा भइरहेको मन्त्री विजेसेकेराले जनाएका छन् । उनका अनुसार पेट्रोल तथा डिजल जुलाई २२ र २३ तारिक अधि आइपुुग्ने सम्भावना रहेको बताइरहेका छन् ।
गएको हप्ता, नगद अभावको कारण श्रीलङ्काले पेट्रोल र डिजल बचत गर्न आवश्यक सेवाबाहेक सबै क्षेत्रका लागि इन्धन बिक्री दुई हप्ता रोक्ने घोषणा गरेको थियो । आज बैंक तथा कार्यालय पुनः खोलिँदा स्थिति खराब हुने अनुमानसहित श्रीलङ्काका धेरैजसो पेट्रोल पम्प हिजोदेखि बन्द भएका छन् ।
श्रीलंकाका २ करोड २० लाख नागरिकको जनजीवन कष्टकर बनेको छ । विदेशी मुद्राको अभावले खराब आर्थिक सङ्कट बेहोरिरहेको श्रीलङ्काले अति आवश्यक समग्रीको आयातलाई समेत धान्न सकेको छैन् ।
