- १५ श्रावण २०८३, शुक्रबार / Jul 31, 2026
काठमाडौं । प्रधानमन्त्री केपी शर्मा ओलीले कोरोना महामारी कारण अर्थतन्त्रमा पारेको असरलाई माथि उठाउनका लागि सरकारले आफ्नो गच्छे अनुसार काम गर्ने बताएका छन्। नेपाल उद्योग वाणिज्य महासंघको साधारण सभाको उद्घाटन गर्दै यस्तो बताएका हुन् ।
सरकार मनको गरिब नभएको भन्दै गच्छे अनुसार निजी क्षेत्रलाई सहयोग गर्ने उनको भनाई छ । नेपाल उद्योग वाणिज्य महासंघकी अध्यक्ष भवानी राणाले आर्थिक वृद्धिदरका लागि सरकारले निजी क्षेत्रलाई सघाउनु पर्ने बताइन् । महासंघको नयाँ नेतृत्व चयनका लागि शनिबार निर्वाचन हुँदैछ।
निर्वाचनमा वरिष्ठ उपाध्यक्ष पदमा वर्तमान उपाध्यक्ष चन्द्र प्रसाद ढकाल र किशोर प्रधान प्यानल बनाएर चुनावी प्रतिस्पर्धामा रहेका छन्। ढकालको प्यानलमा वस्तुगत उपाध्यक्ष उमेशलाल श्रेष्ठ, एशोसिएट उपाध्यक्ष रामचन्द्र संघई र जिल्ला नगर उपाध्यक्षमा गुणनिधी तिवारी प्रधान समूहको वस्तुगत उपाध्यक्षमा अञ्जन श्रेष्ठ, एशोसिएट उपाध्यक्षमा सौरभ ज्योति र जिल्ला नगर उपाध्यक्षमा दिनेश श्रेष्ठ उम्मेदवार रहेका छन्।
