- ८ भाद्र २०८३, सोमबार / Aug 24, 2026
काठमाडौं । सशस्त्र प्रहरी बलकाको अतिरिक्त महानिरीक्षक (एआईजी)मा नारायणदत्त पौडेल बढुवा भएका छन् । बढुवा समितिको सिफारिस अनुसार शुक्रवार बालुवाटारमा बसेको मन्त्रिपरिषद् बैठकले पौडेललाई अतिरिक्त महानिरीक्षक (एआईजी)मा बढुवा गरेको हो ।
वैशाख २१ मा गृह मन्त्रालयका सचिव टेकनारायण पाण्डे नेतृत्वको बढुवा समितीले डीआईजी नारायणदत्त पौडेललाई एआईजीमा बढुवा गर्न सिफारिस गरेको थियो । एआईजीमा बढुवा भएसँगै पौडेल वर्तमान सशस्त्र प्रहरी महानिरीक्षक राजु अर्यालको कार्यकालपछि करिब २ वर्ष आईजीपी हुनुहुने छ । एआईजी बढुवाको प्रतिस्पर्धामा पौडेलसँगै सिपी गौतम, वंशीराज दाहाल र किशोर प्रधान थिए ।
यता नेपाल प्रहरीका डिआईजी बसन्तकुमार लामा पनि अतिरिक्त महानिरीक्षक (एआईजी) मा बढुवा भएका छन् । वैशाख २३ मा बढुवा समितिले डिआईजी बसन्तकुमार लामालाई प्रहरी अतिरिक्त महानिरीक्षक (एआईजी) मा बढुवाका लागी सिफारिस गरेको थियो । लामा जेठ ८ बाट ५६ वर्षे उमेर हदका कारण अनिवार्य अबकाशमा जाँदैछन् । प्रहरीमा पाँच एआईजीको दरबन्दी रिक्त हुँदा सरकारले लामालाई मात्रै बढुवा गरेको छ ।
