- ८ भाद्र २०८३, सोमबार / Aug 24, 2026
जुुम्ला । जुम्लामा नेपाली काँग्रेस पहिलो पार्टी बन्न सफल भएको छ । जिल्लाका आठ स्थानीय तहमध्ये काँग्रेस पाँच पालिकाका प्रमुख र तीन पालिकाका उपप्रमुखमा विजयी भएको हो । कूल ६० वडा रहेको जुम्लामा २६ वडा नेपाली काँग्रेसले जितेको छ ।
त्यसैगरी सत्तारुढ गठबन्धनको दोस्रो ठूलो दल नेकपा माओवादी केन्द्रले जिल्लाका दुई पालिकामा प्रमुख र चार पालिकामा उपाध्यक्षसहित १९ वडामा विजय हासिल गरेको छ । समग्र जिल्लामा नेकपा माओवादी केन्द्र दोस्रो स्थानमा रहेको छ भने नेकपा एकीकृत समाजवादीले एक गाउँपालिकाको उपाध्यक्षसहित छ वडामा विजय हासिल गरेर तेस्रो स्थानमा रहेको छ ।
त्यस्तै नेकपा एमालेले जिल्लाका कुनै पनि पालिकाको प्रमुख र उपप्रमुखमा विजय हासिल गरेको छैन् । एमालेले जुम्लाका छ वडामा जित हासिल गर्न सफल भएको छ । त्यस्तै जिल्लाको एक मात्र चन्दननाथ नगरपालिकाको नगरप्रमुखमा राजुसिंह कठायतले स्वतन्त्रबाट जित हासिल गरेका छन् ।
जिल्ला निर्वाचन कार्यालयले नेपाल मजदुर किसान पार्टीले एक वडा र स्वतन्त्र दुई वडामा निर्वाचित भएको जनाएको छ ।
