- २८ आश्विन २०८३, बुधबार / Oct 14, 2026
भक्तपुर । सूर्यविनायक नगरपालिका वडा नं. ८ का किसान महिलाहरु नेतृत्व विकासमा जुटेका छन् । सिपाडोलका महिलाहरुले यसपालिको महिला लक्षित बजेटलाई नेतृत्व विकासमा लगाएका हुन । विष्णु नारायण महिला सामुदायिक संस्थाको आयोजनामा भएको पाँच दिन नेतृत्व विकास तालिममा सीप विकासमा सकरात्मक सोच र समूह व्यवस्थापनका कुरा सिकेका छन् ।
उर्वरा रिसोटमा संचालन गरिएको उक्त तालिममा ५० जना महिलाको सहभागिता रहेको थियो । कार्यक्रमको समापनमा बोल्दै बागमती प्रदेशका साँसद किरण थापा मगरले जवसम्म महिला सीप विकास र आर्थिक आयआर्जनमा सच्छम हुदैनन्, तबसम्म समाज परिवर्तन नहुने बताए ।
यस्तै वडा नं. ८ का वडा अध्यक्ष पुष्पराज वस्नेतले महिला उत्पादनमा नजोडिएसम्म दिगो विकासको लक्ष्य पुरा नहुने धारणा राखे । तालिमको लक्ष्य पुरा गर्न विना बस्नेतले महत्वपूर्ण भूमिका खेलेकी थिइन् । तालिममा प्रयोगात्मक, छलफल समूह, प्रस्तुति विधिबाट संचालन भएको शुभलक्ष्मी श्रेष्ठले बताइन् ।
