- ७ कार्तिक २०८३, शनिबार / Oct 24, 2026
काठमाडौं । चिनियाँ सोसल मिडिया कम्पनी बाइटड्यान्सले स्थानीय स्वचालित ड्राइभिङ स्टार्टअप कम्पनी क्यूक्राफ्ट कर्पोरेसनमा लगानी गरेको छ । क्यूक्राफ्ट र बाइटड्यान्सको नयाँ सम्झौताबारे जानकार व्यक्तिहरुले खुलासा गरेका हुन् । टिकटकको स्वामित्वकर्ता बााइटड्यान्स कम्पनीले क्यूक्राफ्टको पछिल्लो फण्डरेजिङ राउण्डमा कम्तिमा साढे दुई करोड डलर लगानी गरेको हो । कम्पनीहरुबीच गोप्य समझदारी भएको भन्दै स्रोतले आफ्नो पहिचान गोप्य राखेका छन् ।
क्यूक्राफ्ट कम्पनी हाल आफ्नो प्रविधि चीनको मिनिबसहरुमाथि परीक्षण गरिरहेको छ । नयाँ सम्झौताबारे बाइटड्यान्स र क्यूक्राफ्ट दुवै कम्पनीले कुनै प्रतिक्रिया दिएका छैनन् ।
दुई कम्पनीबीचको सम्झौताले चीनको यातायात उद्योगमा स्वचालित ड्राइभिङ तथा स्मार्ट मोबिलिटी सोलुसन प्रदान गर्ने अपेक्षा गरिएको छ ।
