स्वास्थ्य र सुरक्षाका मापदण्डलाई व्यवस्थित रूपमा कार्यान्वयन गराउने निर्णय

काठमाण्डौ । केन्द्रीय सुरक्षा समितिको अनौपचारिक बैठकले स्वास्थ्य र सुरक्षाका मापदण्डलाई व्यवस्थित रूपमा कार्यान्वयन गराउने निर्णय गरेको छ । कार्यवाहक प्रधानमन्त्री बालकृष्ण खाणको अध्यक्षतामा सोमवार सिंहदरबारमा रहेको गृह मन्त्रालयमा भएको बैठकले सबै सम्बन्धित मन्त्रालय र निकायलाई मापदण्डलाई थप सजगताका साथ पालना गराउन आग्रह गर्ने विषयमा छलफल भएको जनाएको हो ।

बैठकमा रक्षा मन्त्री डा. मीनेन्द्र रिजाल, परराष्ट्र मन्त्री डा. नारायण खड्का, स्वास्थ्य तथा जनसङ्ख्या मन्त्री विरोध खतिवडा, सामान्य प्रशासन तथा सङ्घीय मामिला मन्त्री राजेन्द्र श्रेष्ठ, विभिन्न मन्त्रालयका सचिव र सुरक्षा निकायका प्रमुखहरूको उपस्थिति थियो । लापर्बाही गर्दा कोभिड बढेका विगतका अनुभवबाट पाठ सिक्नुपर्ने जनाउँदै अहिले निषेधाज्ञा वा कुनै आदेश जारी नहुने र चाडबाडका समयमा भिडभाड बढ्न सक्ने भएकाले कोभिड–१९ को जोखिमबाट बच्न स्वस्थ्य मापदण्डको पालना गर्न बैठकले आग्रह गरेको छ ।