ख्वप अस्पताललाई एक सय शय्या सञ्चालन गर्न स्वीकृति

भक्तपुर । भक्तपुर नगरपालिकाद्वारा सञ्चालित ख्वप अस्पतालले थप शय्याको स्वीकृति पाएको छ । ख्वप अस्पताललाई बागमती प्रदेश स्वास्थ्य निर्देशनालयले स्वीकृती दिएको हो ।

यसअघि २५ शय्याको स्वीकृति पाएको अस्पताल अब भने एक सय बेडको हुने छ । भक्तपुर नगरपालिका वडा नं ९ च्याम्हासिंहमा रहेको अस्पतालले दैनिक ६ सय भन्दा बढी बिरामीलाई सेवा दिइरहेको छ ।

नगरपालिकाले सञ्चालन गरिरहेको अस्पताललाई थप शय्या सञ्चालनका लागि स्वीकृति दिएको भक्तपुर नगरपालिकाले जनाएको छ ।